الى إمي وكل ام رحلت بالجسد وبقيت معنا في الروح تهدينا الى طريق الحق والخير والجمال والدفء والحنان . إمي...إمي...إمي جيت أرضكم أسعى ورا الأحباب بصدري قلب مجروح ما بيحمل عذاب وسألت عن إمي وما لقيت الجواب دخلك يا ربي وين حبي غاب..? وسألت عن إمي لمن دما دمي وصحت يا ربي وين حبي غاب ? دخلك يا ربي قلي وما تخبي قلي ونا إمي ووين ملتقى الأحباب ? وبقيت كل الدهر عايش بحيرة وقهر واقف ورا هالباب ضايع ما عندي جواب فتّش على كلمي ترجع معا إمي بوجّا هكِ البسمي لْ كلّا حنان وطهر ت ركع ع رجليّا وبوّسلا إيديا وقلا يا عينيا إبقي معي إبقي... يا رب بهالعيد مني دعاء جديد ترضّى علي يا رب تَ تسعدا لإمي ترَضّى علي يا رب بترضى عليّ إمي وِبعيش باقي العمر مرتاح ...متهنّي. حنا حبيب فرحة عين عار-المتن لبنان